中餐定西餐？

作為占卜師好多時幫客人占完之後，總會有d客人想知點化解或者可以點改善；一般黎講最普遍既方式係睇返牌面上有咩建議又或者有d野可能係問卜者自己本身可以去做去改善，例如同另一半相處有咩注意又或對方點樣睇大家之間既感情；係比較從實際條件幫問卜者了解客觀情況。當然亦其實會有d例子係會用到一d法術又或者靈修上面既方法啦，唔係既話以前既法師同占卜師唔會係同一個人擔當哩兩個角色...

港澳地區係中西文化交匯地，好自然問卜既人有西式有中式選擇，應用起上黎都會有咁既情況亦都唔出奇。好簡單既一d旺桃花求愛情既都可以有中式有西式，自己亦有客人會問下塔羅牌又可能求下籤睇下八字。其實就算兩樣唔同既野我覺得都有空間MIX埋黎用，當然唔係一篇觀音經一篇聖母經梅花間竹咁唸啦；例如西式法師CHECK到一間屋有怨靈，可以選擇叫個客人自己搵中式師傅做超渡、或者教個客人唸佛、擺電子唸佛機咁，又或者可以搵魔法師做西洋魔法儀式趕佢走、又或者個客自己祈禱之餘、請Archangel Azrael黎接引佢到神既地方；又或者新居入伙想幫間屋「清潔」下，唔講d咩儀式拜四角定起結界，單以植物黎講，中式會用綠柚葉水黎抹，西式就會燒下鼠尾草；哩d情況可以考慮一邊燒鼠尾草一邊用綠柚葉水黎抹野，不過我諗應該無咩人會選擇會咁做除非間屋明顯地好有哩個「需要」。

對於同一問題可以有好多方法可以解決，當然剛才所講既只係打個比喻，暫時我又未遇到哩d例子。但以中國人社會為主同埋大家既習俗，如果真係有客同我講佢屋企中招了，當然首要會睇返佢有冇特別既信仰或者佢既接受程度，但我諗我多數會叫佢唸佛會多過搵天使。

所以其實雖然係學習西方神秘學，但有時都會推薦中式方法比d客人，情況就好似肚餓既時候，食中餐定西餐都可以飽肚，睇自己想食d咩啦...

「星期」的神秘學

「星期」的神秘學
通常說起西方的玄學，很多人都會想起十二星座，每個月份在黃道十二宮都有相對應的星座；當然正式的西洋占星不止於此，但然而既然一至十二月有對應不同的星座，不知道讀者們有沒有想過其實星期日至星期六都是有所對應呢？雖然有時會叫「禮拜幾」，但更常用的是「星期幾」，連通用名字都配上了個「星」字，自然跟星也有著脫離不了的關係。

中文叫「星期」，故名思意就是星的週期的意思，但對應什麼星呢？這在現今的中文是看不出來的，但從日文或英文中其實還是能從中知道的。想必很多讀書都有看過日本的動漫，就會知道日本人並不是用「星期幾」，而是用「曜日」，例如「日曜日」和「火曜日」等等，剛好就是日月火水木金土一共七日對應由星期日至六；而這種稱呼其實是源自中國唐朝由印度傳入的《宿曜經》。

而英文亦可從中窺看部份對應星的元素，例如Sunday即日曜日，照字面解說Sun對應的就是太陽；Saturday即土曜日，源自Saturn對應土星；但其他有些卻融入神話色彩，例如星期五所對應的是金星，即金曜日，但英文卻是Friday而不是配上金星的英文Venus；其實Fri指的是北歐女神芙蕾亞(Freya)，而女神芙蕾亞所對應的就是金星，所以這其實只是隔多了一層的引伸。

那麼這種曆法的對應又有何意義呢？電影中經常都看到月圓之夜就是什麼施法好時機，又或者會發生什麼事之類。中式拜神作法需要擇吉時而很合理地西方神秘學在進行宗教上祈求的儀式時也會有時間的要求，而這同樣是需要計算的，但其中一個基本元素就是因不同的需求來選擇星期幾來進行；理由是因為每一天都有各自對應的星體，而每一個星體的特性及所代表的東西亦不相同。

例如星期五所對應的是金星，而金星象徵的意思包括愛情、美麗、豐盛及藝術等，故此傳統上如果進行祈求愛情的儀式都會選擇於星期五進行；（而至於是哪個星期五及星期五的幾點鐘卻有另一套方法計算，這個有機會再說。）同樣地，祈求財運與成功就會選擇對應木星的星期四。反正一星期七天對應七個不同的星體，而每個星體象徵的亦不止一樣東西，開個玩笑地說可以天天祈求不同的東西。

星期所對應之星體表格
星期日 太陽
星期一 月亮
星期二 火星
星期三 水星
星期四 木星
星期五 金星
星期六 土星

其實一些日常生活的習俗又或者經常看見的符號背後都載著很多歷史傳統上的意思，有些的是神秘學對應，而更廣泛地說可能應該是叫民俗學吧？無論如何，筆者希望能引起讀者們對日常生活中已習以為常的事物可以多一份好奇心，從而多去嘗試用另一種角度去了解我們生活的內涵。

*原文刊登於澳門青年第55期

末日末到悶了

藏曆排百年 專家駁末日論

每當睇到哩d新聞其實都覺得好悶，一早已經有好多人或學者講左今年十二月唔會係世界末日，我自己個人黎講亦都唔相信，就算可能真係進入新既週期又或者有野開始發生，都唔會好似熄燈「噗！」一聲d野就無哂或者幾日就地球滅亡啦，家下返冷幾日後轉涼咩，世界末日喎，如果真係末日，個末日都應該係連續好多年一直有災難或者愈黎愈嚴重最後先滅亡啦，當然如果用核武你炸我炸又另作別論。

至於有好多New Ager講既咩進入水瓶座時代d人開始追求靈性，又點樣進入新週期，我都係用同一個邏輯，一個週期約二千五百年咁長，就算真係變都需要好幾十年甚至過百年，所以就算會有野開始變都好，大家都未必會咁快感受到，又或者唔會係有生之年見到成個風氣變到好似網上好多流傳既資訊講到咁神奇（假設會真係有改變發生）。

最後，其實真係會有變化進入新紀元，定係其實大家厭倦現世既生活，所以欲望就投射出形成New Age追求身心靈既風氣？又抑或係其實係相輔相乘呢？哩個係值得深思的。

閒談占卜紀錄

記得以前細個讀中史既時候，中國最早發現既文字寫於甲骨上故名為甲骨文，係殷商時代既產品，最當時既用途係用黎記錄占卜結果；因為當時既占卜係燒龜殼燒到佢有d裂紋爆開然後再按照龜殼上面既裂紋黎判斷吉凶(好似有d係會用骨)，講到呢到我不禁諗起如果下下都要殺龜燒殼都幾慘下...

當然唔駛幾耐大家都已經識得係竹上面刻字做紀錄跟住後來去到有紙有印刷，去到而家甚至用電腦用個Word檔就已經可以。以我自己睇法黎講，占卜紀錄當然有用，我自己都建議每個學習占卜既人都將自己占出黎既結果記低，咁樣就可以係事情發展一段時間之後睇返就可以知道自己當時解牌得出既結果同實際情況既比較，又或者可以睇到原來有d野係牌面上顯示左出黎而當時未解到，之後睇返就會明白當時點解會抽到戈幾隻牌。久而久之哩d經驗就會成為功力既一部份，始終除左睇書、理解牌義、符號既意思同埋係神秘學上既對應之外，可以好實際咁應用到出黎都係好緊要。

另外一個原因係從實用角度出發，以我既經驗通常大家係占卜完左之後一兩日已經將好多占卜既內容忘記左，除非係d好指明又或者好斬釘截鐵既答案，例如佢有第三者、邊個月有拖拍，有冇得升職之類。但去到例如點樣點樣做或者改善、或者一連埋串睇黎緊幾個月每個月既戀愛運、有咩阻力哩d比較詳盡d既答案既時候通常d客人都會好多都記唔到或者好快唔記得；其實自己幫自己占有時都會有咁既情況，此時如果有份紀錄係到就可以睇返提醒返有d問題要點處理又或者去到邊個月份戈時要注意d乜等等。

亦都係因為咁既原因，我自己幫客人占卜之後都會附返上錄音檔同埋文字概括既紀錄，實際上係有幫助的。如果唔係就算占完之後你問返我戈時講左d咩，其實我都唔會記得...因為客人既私隱根本唔可以講出去，所以記黎都無意思，一般都會好快就唔記得嫁啦；除非係d好特別好特別既例子同情況啦.....嘿嘿！

*請留意由2013年9月1起已經唔再提供文字紀錄啦...

English...OK? English, OK.

早兩日係機緣巧合情況下朋友搭朋友咁幫一位日本姐姐仔用塔羅牌占卜，見佢本身有點愁眉苦臉，似乎有心結解不開咁；到佢開口講出想要占卜既事情時我心諗「哦！咁咋麻～」，有d出奇地佢問既問題並唔係港澳女生們的例牌菜。可能來自唔同地方既關係，又或者戈位姐姐特別d啦？不過佢問既問題都唔太複雜，自自然然答既野亦都好簡單。

其實除左平時幫香港澳門人占過，台灣人、內地人、印度人既問卜者都遇過，基本上都無乜太大問題，當然比較之下實會係廣東話會最流暢嫁啦，國語都掌握到，英文都還可以，畢竟學牌睇既書都係英文，最多要Load下先講到出黎。但日本人麻...

我同佢講：「I think I need translation...Or,えごではいですか？（英文可以嗎？）」
佢微微嘴笑住用帶住強烈日文腔既口音答返我：「English, ok.」
我心諗，得唔得嫁？不過反正都唔係問d好難既問題，我慢慢答啦。

最後，幸好那位日本姐姐仔既英文聆聽能力都總算聽得明我講咩，但係就真係要諗一諗用日文腔黎發英文音仲要逐個逐個單字吐出黎，同平時慣左一揭牌就即刻開口講既感覺好唔同，窒住窒住咁...