從eBay中消失的占卜與法術

Sale of tarot readings and spells banned on eBay‎
http://www.bbc.co.uk/news/technology-19323622

由2012年8月31日開始，eBay全面禁止賣塔羅占卜、施咒服務及有關魔法的商品。

雖然自己無係eBay買過野，但相信好多人都試過，就算未試知都聽過知係乜。通常係外國好似Amazon訂牌訂書就訂得多，但一直都無留網店幫人做占卜又或者落咒既生意，我諗係港澳地方就應該比較少d，畢竟我地既消費習慣會比較偏向體驗式又或者兜口兜面面對面，有信心d呀麻，社會又環境比較熱鬧，加上港澳地方細，搵塔羅占卜師都唔算難。

不過既既然佢出得哩條政策，我諗eBay咁大間公司都係有深思熟慮過既，大概係真係有返咁上下數量同影響力既時候先會特登出台整條咁既政策專係針對哩類型既服務同商品；數量有幾多就唔多清楚喇，但係我自己上網睇既資料eBay大概係因為其實哩類型既產品同服務係質量上好難監控，同埋效果到底得唔得亦好主觀，結果變左好多時客人同商戶之間有咩爭執都好難處理。

講真哩d野真係無絕對，唔同你上網買件衫返黎，質地係咪商戶所講既、又或者縫製線口位有無爆線、尺寸岩唔岩、有無縮水或者甩色，有得睇又摸得到，掂唔掂又可以畀其他人睇到，好擺係眼前既事實；而占卜同魔法產品哩d就無得咁，準唔準、靈唔靈，哩d都係靠口碑，都係講出黎，講到最後掂唔掂都係個客人自己先知。再加上咁既情況，其實如果有人混水摸魚呃飯食，講真真係唔難...

所以eBay做生意黎講想少d麻煩，減少客人係eBay既不愉快經歷，都係好正常，始終都係自己既企業形象。不過既然有供有求，就自然有咁既經濟活動，各位外國既同行要轉場搵食喇，相信都一樣有得做既。